លោកឧត្ដមសេនីយ៍ទោស្នងការ ឈឿន សុចិត្ត បានអមដំណើរលោក គង់ សោភ័ណ្ឌ អភិបាលខេត្តកណ្ដាលអញ្ជើញបើកបវេសនកាលឆ្នាំសិក្សាថ្មី ឆ្នាំ២០២០-២០២១ នៅវិទ្យាល័យហ៊ុន សែន តាខ្មៅ 

លោកឧត្ដមសេនីយ៍ទោស្នងការ ឈឿន សុចិត្ត បានអមដំណើរលោក គង់ សោភ័ណ្ឌ អភិបាលខេត្តកណ្ដាលអញ្ជើញបើកបវេសនកាលឆ្នាំសិក្សាថ្មី ឆ្នាំ២០២០-២០២១ នៅវិទ្យាល័យហ៊ុន សែន តាខ្មៅ 

 

កណ្តាល ៖ ស្នងការនៃស្នងការដ្ឋាននគរបាលខេត្តកណ្តាល លោកឧត្តមសេនីយ៍ទោ ឈឿន សុចិត្ត នៅព្រឹកថ្ងៃទី ១១ ខែមករា ឆ្នាំ២០២១ បានអមដំណើរលោក គង់ សោភ័ណ្ឌ អភិបាលខេត្តកណ្ដាលអញ្ជើញបើកបវេសនកាលឆ្នាំសិក្សាថ្មី ឆ្នាំ២០២០-២០២១ នៅវិទ្យាល័យហ៊ុន សែន តាខ្មៅ ស្ថិតក្នុងក្រុងតាខ្មៅ ខេត្តកណ្ដាល។

 

គួរជម្រាបថា នៅព្រឹកថ្ងៃចន្ទ ទី១១ ខែមករា ឆ្នាំ២០២១នេះ ជាកាលកំណត់នៃការបើកបវេសនកាលសម្រាប់ឆ្នាំសិក្សាថ្មី ឆ្នាំ២០២០-២០២១ ដែលកំណត់ដោយក្រសួងអប់រំ យុវជន និងកីឡា។ ពេលវេលានៃការបើកបវេសនកាលនៅឆ្នាំនេះ ត្រូវបានពន្យារពេលមកដល់ខែមករា ព្រោះតែការរាតត្បាតនៃជំងឺកូវីដ-១៩។

 

នាឱកាសនោះលោក គង់ សោភ័ណ្ឌ អភិបាលខេត្តកណ្ដាល បានអានសារ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៃព្រះរាជាណាចក្រកម្ពុជា ដែលបានចេញសារអបអរសាទរ និងបើកបវេសនកាលថ្មី ២០២០-២០២១ ។

 

ក្នុងសារបើកបវេសនកាលឆ្នាំសិក្សាថ្មី ឆ្នាំ២០២០-២០២១នេះ សម្តេចតេជោ ហ៊ុន សែន បានថ្លែងថា ថ្វីដ្បិតកម្ពុជាក៏ដូចជាពិភពលោកទាំងមូលនឹងមិនទាន់មានភាពច្បាស់លាស់ពាក់ព័ន្ធនឹងព្រឹត្តិការណ៍កូវីដ-១៩ យ៉ាងណាក៏ដោយ ក៏រាជរដ្ឋាភិបាលកម្ពុជានៅតែប្រារព្ធពិធីបើកបវេសនកាលឆ្នាំសិក្សាថ្មី ឆ្នាំ២០២០-២០២១ ដ៏មានសារៈសំខាន់ក្រោមទស្សនទានថ្មី គន្លងជីវិតថ្មីក្នុងវិស័យអប់រំ។

 

ការបើកបវេសនកាលឆ្នាំសិក្សាថ្មីនេះ គឺជាថ្ងៃបើកទំព័រថ្មីនៃការចាប់ផ្ដើមជីវិតសិក្សាដំបូងរបស់ក្មួយៗ ដែលទើបនឹងដល់អាយុត្រូវចូលសាលារៀន និងជាថ្ងៃត្រឡប់មកកាន់សាលារៀនវិញបន្ទាប់ពីបានឆ្លងកាត់ និងទទួលនូវបទពិសោធន៍នៃការអប់រំក្នុងសម័យកូវីដ-១៩ ក្នុងឆ្នាំសិក្សា២០១៩-២០២០ កន្លងមក ទោះបីក្នុងរូបភាពខុសគ្នាយ៉ាងណាក៏ដោយ។

 

ជាមួយគ្នានោះ លោកអភិបាលរងខេត្តក៏បានផ្ដាំផ្ញើដល់អាជ្ញាធរស្រុក លោកគ្រូអ្នកគ្រូ ពិសេសសិស្សសានុសិស្សទាំងអស់ សូមចូលរួមអនុវត្តឱ្យបានខ្ជាប់ខ្ជួន នៅការធ្វើអនាម័យជាប្រចាំ ដើម្បីរួមគ្នាបង្ការ និងការពារជំងឺកូវីដ-១៩ តាមការណែនាំរបស់ក្រសួងសុខាភិបាល និងរាជរដ្ឋាភិបាល ដោយត្រូវលាងដៃឱ្យបានញឹកញាប់ជាមួយសាប៊ូ អាល់កុល ឬជែល ពាក់ម៉ាស និងរក្សាគម្លាតសុវត្ថិភាព៕

Share this post

Post Comment